A. BOLOK REAK NEYOM DHARA

1. BOLOK JULUS 

(Patiauanko jarvalenkhan naeke ar sebokko pind thenko hijukkana Un jokhed bolok sereń serenoka ar bańkhan tarhawak sarhao serta parhao hoyoka)

2. KURUS REAK CINHA AR JOHAR KATHA

N:        + Baba ar Hopon ar Sonot Atma ńutumte.

H:        Amen.

N:        Aboren Probhu Jisu Kristak sạhại, Isorak dular ar Sonot Atmawak bhor ape sanamko sãote tahenma.

H:        Ar am sãote hõ.

             --------SE-------

N:        Aboren Baba Isor ar Jisu Kristak sạhại ar suluk ape sanamko sãote tahenma.

H:        Ar am sãote hõ (ar bańkhan; Aboren Probhu Jisu Kristren Baba Isore sarhaokma)

             ------SE--------

N:        Probhu ape sãoteye tahenma 

           (Bishop: Probhuak suluk ape sanamko sãote tahenma.)

H:        Aram sãote hõ.

(Naeke do khațote ina din reak neyom-dhorom reak khon kathae Lai ańjom dareakoa ar bańkhan dārē samań reak asol kathae ańjomakoa.)

3. KASTAOK HẠTIN

            (Athwar din do dak reak asirbad ar chiţkạu hoe dareaka. Naeke do horko apnar bidauk ar kastaok lagife arojakokana:)

N:        E boeha (ar misera) ko aboak kại debon angocma jemon sonot bhedko manao lagić lekbon hoyok.

             ------SE 2-------

N:        E boeha miserako, aboak kại debon angoca ar Probhu Isor then ikabo koea jemon Probhu Jisuak bhedko lek lekatebo manao dareak.

            -------SE 3--------

N:        E boeha miserako, Isorak gharońjrenkante abo do nondebo jarawawakana. Aboren serma Baba debon nehoraya jemon uni do māyātaete aboak kại ghatiye ikaitabon.

(Sanamko mit ghari thirkate Isor then ikako koea; inakate sanam hor mit dhomte akoak kaiko angoca.Noa bodolte sereń no. 445-453 sereń dareaka.)

H:        Sanam darean Isor Baba ar ape then, e boeha misera ko in angocetkana je hudis, ror, kami ar dhilisilite adi dhaoin kaiakada (koram cetagok tuluć) ińak doste, iñak doste, inak adi maran doste. Noa iate Bhoranić jaejug Dạngua Mạria sanam dut ar Sonotko ar ape then, e boeha misera ko iń nehorokkana jemon ape do Probhu aboren Isor thenpe koeạń.

              --------SE 1---------

N:        Am do ontorte kastaokkanko bogeko lagićem hećakana, e Probhu dayawaleme.

H:        E Probhu dayawaleme.

N:        Am do kại horko hohoakom hećakana, e dayawaleme. Krist

H:        E Krist dayawaleme.

N:        Am do ale ror sohotale lagit Baba etom sećrem durupakana, e Probhu dayawaleme.

H:        E Probhu dayawaleme.

              -------SE 2 ---------

N:        E Probhu Jisu am do sanam disomrenko Isorak suluk niraire agu samțaoko lagitem hećakana. E Probhu dayawaleme.

H:        E Probhu dayawaleme.

N:        E Probhu Jisu am do katha ar Sakramențkote alem asul haraeflea. E Krist dayawaleme.

H:        E Krist dayawaleme.

N:        E Probhu Jisu am do amren porja bańcaoko lągiť mahimawante arhõm hijuka. E Probhu dayawaleme.

H:        E Probhu dayawaleme.

              ------SE 3 ------

N:        E Probhu Jisu am do marań Isor ar suluk nirairen rajakanam. E Probhu dayawaleme.

H:        E Probhu dayawaleme.

N:        E Probhu Jisu am do Isor hopon ar Dạngua Mariaren dularią beta kanam. E Krist dayawaleme.

H:        E Krist dayawaleme.

N:        E Probhu Jisu am do manwayen katha ar Isorak thonokge. E Probhu dayawaleme.

H:        E Probhu dayawaleme.

             --------SE 4------

N:        E Probhu Jisu am do serma Baba são ar, ale alere sulukkale lagitem hećakana. E Probhu dayawaleme.

H:        E Probhu dayawaleme.

N:        E Probhu Jisu am do aleak kại ghạți ar bhina-bhini reak ghaoko bogetale lagitem hećakana E Krist dayawaleme.

H:        E Krist dayawaleme.

N:        E Probhu Jisu am do sińsạțup apum then alem koesohoć alekana. E Probhu dayawaleme.

H:        E Probhu dayawaleme.

              -------SE 5 ----------

N:        E Probhu Jisu am do rog bighinkom bogeyeíkoa. E Probhu dayawaleme.

H:        E Probhu dayawaleme.

N:        E Probhu Jisu am do kạian hor kại ikạm emakokana. E Krist dayawaleme.

H:        E Krist dayawaleme.

N:        E Probhu Jisu, hormo ar atmare napaele tahena mente ar dareocole lagit am do amtetgem emalekana. E Probhu dayawaleme.

H:        E Probhu dayawaleme.

             --------------------

N:        Sanamdarean Isore dayawabonma ar aboak kaiko ikakate, jaejug jionreye ayur sețerkabonma.

H:        Amen.

(Sanamko daya koejońko sereńeíkana (Sereń no. 454-466) ar bankhan ora-pariteko roreíkana. Juțićak hạțiń (1-9) rorlekhan, daya koejoń badkak hoyoka.)

N:        E Probhu, dayawaleme.

H:        E Probhu, dayawaleme.

N:        E Krist, dayawaleme.

H:        EKrist, dayawaleme.

N:        E Probhu, dayawaleme.

H:        E Probhu, dayawaleme.

(Athwar din do sonot Baptisma disại lạgit, johar katha mucat torage, dak reak asirbad ar chitkau hoe dareaka.) 

N:        Dularią boeha miserako, aboak Sonot Baptisma disai lągiť noa dak abore chitkauk lagidokkana. Abo do aboren Probhu Isor then nindhankatebon koejonma jemon Uni do noae bhorak. Abo do Baptisma hotete Sonot Atmabon ńamakadea. Isore goroabonma jemon abo do jaoge Ini Sonot Atma hotete sonotbon tahen. (Mone-monete koejon)

N:        E Sanamdarean Probhu Isor, hormo ar atma jiwet okcoićak jharna, dayakate noa dak bhorakme. Ale do patiau selet noa dakle beohara jemon kại reak ikale ńam ar sanam rog- bighin ar bairikoak jhali khon bańcaole nam. E Probhu, Amak bin mucat dayate bańcaok reak jiwet dak emalem jemon ale do sapha monte Am thenle sor dareak, ar hormo ar atma reak sanam muhim khon bańcaoakanle tahen. Aleren Probhu Krist hotete.

H:        Amen.

(Naeke do acre ar hajirakankore sonot dake chitkau jokheć mithen sereń sereñoka ar bańkhan sarhao sereń parhao ańjomoka.)

E Probhu sonot dakte chitkauińme bare adoń saphaka. Amem arubinkhan, him khon hõ bạrtigeń pondoka. Baba ar Hopon ar Sonot Atma.............

(PASKA JOKHEĆ)

Mandir etom seć khon odokokkan dakiń ňelakada, alleluia, allelluia, ar tinak horko noa dake ątuk tiokleíkoa, jotoko bańcaoena, onko doko mena: Alleluia alleluia.

N:        Sanamdarean Isor, aboak kạiye ikakatabonma ar noa Sonot Yukaris! Dare Samań hoteteye sonot kabonma jemon abo do serma reak Sonot Bhojre seledok lekbon hoyok.

H:        Amen.

4. SARHAO SEREŃ

            (Hijuk okte ar Upas okte badkate eşak Athwar ar porob dinkore)

N:        Col-utarre Isore mahimakma.

H:        Ar otre bhage monean horkore suluk nirại hoyokma Amgele sarhaoeímea Bhoranićle metamkana, sewa arle mahimawamkana. E Probhu Isor, sermaren Raja, Sanamdarean Isor Baba, e Probhu, Ekaput Hopon; Jisu Krist, e Probhu Isor, Isorren Bhidi Hopon, Babaren nij Hopon dharti reak kại mekţaoić dayawaleme dharti reak kại mekkţaoić aleak koe atańtaleme; Baba etom sećrem durupakanić, de dayawaleme Ente Am eskargem sonota, Am eskargeam Probhu Am ekargeam Cot-utarić, e Jisu Krist, Sonot Atma sãote, Isor Babawak mahimare Amen.

5. NEHOR KOEJOŃ

           (Mit ghari jotoko hape tahente mone-moneteko koejona. Ina tayom, naeke do tarhaoak koejone rora.)

N:        Debon Koea: E duklarić Isor Baba aleak nehor ańjomtaleme. Am okam menjonkan ona badaea mente        gorowaleme, jemon dilgaria ar biswas salak amak menjon lekale kami. Aleren Probhu ar Amren Hopon Jisu Krist hotete okoe do Isor hoekate Am ar Sonot Atma sãote jaejug jiwedok are rajokkan, sanam jug reak oktere.

H:        Amen.

B. DHOROM SASTOR BABOT NEYOM-DHOROM

1. PAHIL PAT

            (Paparhaoić do ambo thene calaka ar pahil pate parhaoka. Joto hor durupkateko ańjoma. Pat mucatre uni doe mena:)

P:         Noage Probhuak katha do.

H:        Isore sarhaokma.

           (Mit ghari thirkate sanamko noa parhaoenak baboíko gandonjonma.)

2. TALA SEREŃ.

(Paparhaoić do din reak nițakať sereń ruarok orheye parhaoka se sereña. Noa bodolte pat reak bisoe lekate sereń no. 46-100 ko sereń dareaka)

3. DOSAR PAT

(Judi dosar pat menakkhan ona hö ambo then khone parhoaka. Pat mucetre uni doe mena:)

P:         Noage Probhuak katha do.

H:        Isore sarhaokma

4. ALLELUIA SEREŃ

(Alleluia sereńko sereña. Etak jahanak sereń do nonde ban ganoka. Sereń no. 101 124 reak miť khalikate sereń dareak. Un jokheć naeke do nase araňte saprao reak koejone roreda:)

N:       E Sanam darean Isor, inak ontor ar luți saphaetińme jemon iń do lek lekate Amak Bhage Sombatiń jahir.

5: BHAGE SOMBAT

N:        Probhu ape sãoteye tahenma.

H:        Aram sãote ho.

N:        Sonot(....)e olakat leka Bhage Sombat.

H:        E Probhu Amak mahima hoyokma.

            (Sanam hor candi, luți ar koramre kurus cinhako benaoeíkana. Marań misäre naeke do Bhage Sombat lại sade lahare onae dhupaka.)

N:        Noage Probhuak Bhage Sombat do.

H:        E Krist, Amak sarhao hoyokma

           (Inakate naeke do dhorom puthi cokak tuluće rora)

N:        BhageSombat reak katha hotete aleak kaiko metaoktalema.

6. DHOROM GALMARAO

(Dhorom Galmarao tayom hor mit ghạri thirkate Bhage Sombat reak katha babotreko gandon dareaka.)

7. PATIAU ANGOC (Rorogok Dinre)

(Preritkoak patiau katha se latarre olakan Nicene Maran Baisi reak Patiau katha rorokgokma. Bańkhan sereń 483 488 sereń dareaka.)

N:        Serma ar otren

H:&N: Nelok ar bin ńelokkoren, Sisirjauić, Sanamdarean Baba, miť goțeć Isorreń, patiauakana. Ar Isorren Ekaput Hopon, Jisu Krist, sanam jug lahare, Baba khone Janamakanić, mit goțeć Probhureń, patiauakana. Uni do Isor khonge Isor, Janamakanićge, bae benaoocoakanić, Uniak ar Babawak, sobhab do mitgea ar, Uni hotete, sanamakko sirijauena. Abo manwako iate, ar abo bancaok lagit, serma khone argolena, ar Sonot Atma hotete, Dạngua Mạria khon, hormo hataokateye, manwaena. Ar Uni abo lagit, kurus hõe kurusocolena, Pontus Pilatus jokheć, duke sahaoleda, are topaocolena. Ar olakan katha leka, pe māhā hilok reye, jiweť ruarena; sermateye rakapena, ar Baba etom sećreye, durupakana, jiweí ar goćko bicarko lagit mahimawante, arhoe ruar hijuka, ar Uniak Raj do, tishō ban mucadoka. Ar Baba ar Hopon khone, odonokkanić, Probhu ar jiwi Emokić, Sonot Atmareń, patiauakana. Uni do, Baba ar Hopon säote, mitte, sewa are mahima ocokkana. Unige nabiko hoteteye rorakada. Ar mit goțeć Sonot Katholik, ar Preritan Girjareń, patiauakana. Kaiko ikąk lagit, mit goten baptismań, angocetkana. Ar goćkoak jiweť ruarok, ar darakan puri reak, jioniń ńel horetkana. Amen.

8. PATIAUANKOAK KOE

(Naeke do koejon lagiť horkoe arojakokana ar koejone ehopeíkana. Jähãe etak hor koejoń reak motlobe parhao dareaka. Sakam 46-47 ńelme)